「小米媽媽」旺角雅蘭疑遇拐子婆 重案組到現場調查

食譜專欄作家「米媽」在個人facebook透露，昨日（５日）在旺角鬧市懷疑有人企圖拐帶，她拖住2歲半女兒「小米」在街時，一名老婦突然走近又拖住其女兒的手，她於是抱起女兒，老婦見事敗離開，消失人群中。她事後報警，案件現交由旺角重案組接手。

早上11時許，旺角警區重案組探員重返雅蘭中心附近巡視，並翻看附近商舖的閉路電視，追查老婦下落，逗留逾2小時後離開。

米媽指在fb貼文是要提醒家長小心，警方非常重視懷疑企圖拐帶兒童的事件，對有關事件均會展開詳細調查。以往大部份事件查明並非屬實，沒有證據顯示涉及拐帶兒童。

米媽形容事件令人心驚，成條街食LUNCH時間真係好多人，個呀婆都咁落手，我捉到「小米」實一實，佢地都照拖另一隻手想扯走佢，阿婆絕對唔係想玩，佢係完全冇同小米講過任何野，趁人多時行近拖佢另一隻手就走，連我拖住都夠膽，我大聲話佢，佢已經好奸笑咁即走！前面仲有位呀伯，唔知有無同黨。

米媽第一次遇到呢D事，真係好驚…. ! 唔發生係自己身上都唔知可以咁猖狂，大家都唔好掉以輕心!